*අධ්‍යක්ෂණය - ජීන් පියරේ ජූනට්
*නිෂ්පාදනය - ජීන් මාර්ක් ඩිෂැම්ප්ස් / ක්ලෝඩි ඔසාඩ්
*තිරරචනය - ගිලෝමි ලොරන්ට්
*ප්‍රධාන නළු නිළියන් - ඕඩ්‍රි ටෝටු / මැතිව් කැසෝවිට්ස් / රුෆුස් සර්ජි මර්ලින් / ලොරෙල්ලා ක්‍රැවෝටා
*සංගීතය - යාන් ටියර්සන්
*සංස්කරණය - හර්වි ෂ්නීඩ්
*ධාවන කාලය - මිනිත්තු 123
*නිෂ්පාදිත රට - ප්‍රංශය
*නිෂ්පාදිත වර්ෂය - 2001
*නිෂ්පාදන වියදම - ඩොලර් මිලියන 10
*ආදායම - ඩොලර් මිලියන 174
රොමාන්තික සුඛාන්ත (Romantic Comedy) ගණයට අයත් වන මෙම චිත්‍රපටය
සමකාලීන පැරිසියේ ජීවන රටාව අළලා සකස් වී තිබෙයි. හුදෙකලා ලෙස ජීවන සටන ට
මුහුණදෙන ලජ්ජාශීලි වේටර්වරියක ගේ ජීවිත සිදුවීම් පෙළක් මෙම චිත්‍රපටය ට
පාදක වී ඇත. ඇමලි කුඩා කල සිට හුදෙකලා ජීවිතයක ට හුරු පුරුදු වුව ද ඇය ඉහළ
පරිකල්පන ශක්තියකින් හෙබි දඟකාර චරිතයක් වූව‍ා ය. පල්ලියේ වහළෙන් බිමට පනින
පුද්ගලයෙකු සිරුර මත පතිතවීමෙන් ඇගේ මව මියයන අතර ඉන් පසු ව ඇය නිවසින්
බැහැර වී වේටර්වරියක ලෙස සේවය කරයි.
ඩයනා කුමරිය ගේ මරණය රූපවාහිනියෙන් දකින ඈ එයින් අන්දමන්ද වී සිය සුවඳ විලවුන් බෝතලයේ මූඩිය බිම පතිත කරගන්නා අතර එය පෙරළී ගොස් වැදීමෙන් බිත්තියේ පිඟන් ගඩොලක් බුරුල් වෙයි. එයින් බිත්තියේ සඟවා තිබූ පෙට්ටියක් මතුකර ගැනීම ට ඇය ට හැකිවෙයි. එහි,ඇත්තේ මීට වසර 40 කට පමණ පෙර ඇයගේ වත්මන් නවාතැනේ ළමා කලය ගත කළ ළමයෙකු ගේ සෙල්ලම් බඩු එකතුව කි. එම පෙට්ටිය අදාළ පුද්ගලයා ට ලබා දී ඔහු සතුටු කිරීම ඇයගේ අපේක්ෂාවයි. එමෙන් ම ඇය බොහෝ දෙනෙකුගේ ජීවිත වල ට සතුට ගෙන ඒමට උත්සාහ දරයි. දුම්රිය පොළේ සිටින අන්ධ මිනිසා ට වටපිට විස්තර කරමින් දුම්රිය ස්ථානය ට රැගෙන යාම, ලොව වටා සංචාරය කිරීමේ නොතිත් ආශාවෙන් සිටින තම පියාගේ සිහිවටනයක් ගුවන් සේවිකාවක වන ඇයගේ මිතුරියක ට දී ලෝකයේ විවිධ ස්ථානවල සිට එය ඡායාරූපගත කරවා පියා ට තැපැල් මගින් එවීම, අවන්හලේ සහායිකාව සහ ගණුදෙනුකරුවෙකු අතර සුහදතාවයක් ඇතිකොට එය ඔවුන් දෙදෙනා අතර කායික සම්භෝගයක් බවට පත්කිරීම වැනි සිදුවීම් උදාහරණ ලෙස පැවසිය හැකි ය.
භාවිතයෙන් ඉවත් කරනු ලබන පාස්පෝට් ඡායාරූප එකතු කරනු ලබන තරුණයෙකු දකින ඇමෙලි ඔහු කෙරෙහි ආදරයක් ඇතිකර ගනී. අහම්බෙන් ඔහු අතින් බිම වැටෙන ඡායාරූප ඇල්බමයක් අහුලාගන්නා ඈ ඔහුගේ නම 'නිනෝ' බව සොයා ගනියි. නමුත් අැය නැවත ඔහුට එම ඇල්බමය ලබාදෙන්නේ ඔහු වෙහෙස ට පත්කරන ක්‍රියාකාරකම් කිහිපයක් කිරීමෙන් අනතුරුවයි. ඇය විසින් ඔහු මුණ ගැසීම ට හමුවීම් කිහිපයක් සූදානම් කරගත්ත ද ඇයගේ සිතෙහි පවත්නා චකිතය, කලබලකාරී ගතිය සහ ලැජ්ජාශීලී බව හේතුවෙන් එම අවස්ථා මඟහැරී යයි. නමුත් අවසානයේ දී ඔහු ඇයගේ නිවහනට ම පැමිණ ඇය හා කායික ව සම්භෝග වී රැයක් පහන් කරයි. අවසන 'ඇමෙලි' සිය ජීවිතයේ පැතූ ප්‍රීතිය අත්කර ගනියි.
මෙම චිත්‍රපටය පැරීසියේ 'මොන්ට්මැට්‍රී' හි රූගත කොට තිබෙයි. මෙහි පරිගණක ගත කල්පිත රූප නිර්මාණ කිහිපයක් දැකිය හැකි වෙයි. සමස්ත නිර්මාණය වර්ණවත් ය (Colorful). කැමරා භාවිතය, ජිබ් ආම් ආදීය භාවිතා කොට ඇති ආකාරය ප්‍රශස්ත ය. සංගීතයේ දී එකෝඩියනය භාවිතයෙන් සමස්ත චිත්‍රපටයේ රිද්මය ඒකාත්මික කිරීමට උත්සාහ දරා තිබෙයි. තාක්ෂණික උපක්‍රම භාවිතය ද හොඳ මට්ටමක පවතියි. කලා අධ්‍යක්ෂණය සහ සංස්කරණය ද කතාවට සාධාරණයක් කොට ඇති බව පෙනෙයි. කතන්දරය පැවසීමේ දී ඇතිවන ඒකාකාරීත්වය බිඳීමට අධ්‍යක්ෂකවරයා ප්‍රහසනාත්මක සිදුවීම් යොදාගෙන ඇති වුව ද කතාව ප්‍රේක්ෂකයා ඇද බැඳ ගැනීම ට තරම් ආකර්ශනශීලී වී ඇති බවක් නොපෙනෙයි.
ඩයනා කුමරිය ගේ මරණය රූපවාහිනියෙන් දකින ඈ එයින් අන්දමන්ද වී සිය සුවඳ විලවුන් බෝතලයේ මූඩිය බිම පතිත කරගන්නා අතර එය පෙරළී ගොස් වැදීමෙන් බිත්තියේ පිඟන් ගඩොලක් බුරුල් වෙයි. එයින් බිත්තියේ සඟවා තිබූ පෙට්ටියක් මතුකර ගැනීම ට ඇය ට හැකිවෙයි. එහි,ඇත්තේ මීට වසර 40 කට පමණ පෙර ඇයගේ වත්මන් නවාතැනේ ළමා කලය ගත කළ ළමයෙකු ගේ සෙල්ලම් බඩු එකතුව කි. එම පෙට්ටිය අදාළ පුද්ගලයා ට ලබා දී ඔහු සතුටු කිරීම ඇයගේ අපේක්ෂාවයි. එමෙන් ම ඇය බොහෝ දෙනෙකුගේ ජීවිත වල ට සතුට ගෙන ඒමට උත්සාහ දරයි. දුම්රිය පොළේ සිටින අන්ධ මිනිසා ට වටපිට විස්තර කරමින් දුම්රිය ස්ථානය ට රැගෙන යාම, ලොව වටා සංචාරය කිරීමේ නොතිත් ආශාවෙන් සිටින තම පියාගේ සිහිවටනයක් ගුවන් සේවිකාවක වන ඇයගේ මිතුරියක ට දී ලෝකයේ විවිධ ස්ථානවල සිට එය ඡායාරූපගත කරවා පියා ට තැපැල් මගින් එවීම, අවන්හලේ සහායිකාව සහ ගණුදෙනුකරුවෙකු අතර සුහදතාවයක් ඇතිකොට එය ඔවුන් දෙදෙනා අතර කායික සම්භෝගයක් බවට පත්කිරීම වැනි සිදුවීම් උදාහරණ ලෙස පැවසිය හැකි ය.
භාවිතයෙන් ඉවත් කරනු ලබන පාස්පෝට් ඡායාරූප එකතු කරනු ලබන තරුණයෙකු දකින ඇමෙලි ඔහු කෙරෙහි ආදරයක් ඇතිකර ගනී. අහම්බෙන් ඔහු අතින් බිම වැටෙන ඡායාරූප ඇල්බමයක් අහුලාගන්නා ඈ ඔහුගේ නම 'නිනෝ' බව සොයා ගනියි. නමුත් අැය නැවත ඔහුට එම ඇල්බමය ලබාදෙන්නේ ඔහු වෙහෙස ට පත්කරන ක්‍රියාකාරකම් කිහිපයක් කිරීමෙන් අනතුරුවයි. ඇය විසින් ඔහු මුණ ගැසීම ට හමුවීම් කිහිපයක් සූදානම් කරගත්ත ද ඇයගේ සිතෙහි පවත්නා චකිතය, කලබලකාරී ගතිය සහ ලැජ්ජාශීලී බව හේතුවෙන් එම අවස්ථා මඟහැරී යයි. නමුත් අවසානයේ දී ඔහු ඇයගේ නිවහනට ම පැමිණ ඇය හා කායික ව සම්භෝග වී රැයක් පහන් කරයි. අවසන 'ඇමෙලි' සිය ජීවිතයේ පැතූ ප්‍රීතිය අත්කර ගනියි.
මෙම චිත්‍රපටය පැරීසියේ 'මොන්ට්මැට්‍රී' හි රූගත කොට තිබෙයි. මෙහි පරිගණක ගත කල්පිත රූප නිර්මාණ කිහිපයක් දැකිය හැකි වෙයි. සමස්ත නිර්මාණය වර්ණවත් ය (Colorful). කැමරා භාවිතය, ජිබ් ආම් ආදීය භාවිතා කොට ඇති ආකාරය ප්‍රශස්ත ය. සංගීතයේ දී එකෝඩියනය භාවිතයෙන් සමස්ත චිත්‍රපටයේ රිද්මය ඒකාත්මික කිරීමට උත්සාහ දරා තිබෙයි. තාක්ෂණික උපක්‍රම භාවිතය ද හොඳ මට්ටමක පවතියි. කලා අධ්‍යක්ෂණය සහ සංස්කරණය ද කතාවට සාධාරණයක් කොට ඇති බව පෙනෙයි. කතන්දරය පැවසීමේ දී ඇතිවන ඒකාකාරීත්වය බිඳීමට අධ්‍යක්ෂකවරයා ප්‍රහසනාත්මක සිදුවීම් යොදාගෙන ඇති වුව ද කතාව ප්‍රේක්ෂකයා ඇද බැඳ ගැනීම ට තරම් ආකර්ශනශීලී වී ඇති බවක් නොපෙනෙයි.
No comments:
Post a Comment